អីយ៉ាស់ ! ម្ដងនេះ ប៉ែន ចំរុង ពោលក្ដែងៗថានឹកកូនស្រីរបស់លោកណាស់ !
នាមជាឪពុកដែលមិនទទួលបានសិទ្ធិមើលថែកូនស្រី ប៉ែន ចំរុង បាននិយាយក្ដែងៗនៅមុខកាមេរ៉ា Sabay ថា លោកពិតជានឹក និងចង់ជួបមុខកូនស្រីបណ្ដូលចិត្តខ្លាំងណាស់។
លោករៀបរាប់ថា សម្រាប់ស្នេហាជាមួយអតីតភរិយាវាជារឿងកន្លងទៅហើយ លោកមិនបានគិតនឹងចង់ត្រឡប់ក្រោយទេ តែសម្រាប់រឿងកូនស្រីសំណព្វគឺលោកពិតជានឹកខ្លាំង ចង់ជួប ចង់ឱបឲ្យពេញទ្រូងតែម្ដង។
ប៉ែន ចំរុង បន្តថាបើខាងម្ដាយ ពោលគឺអ្នកនាង ភិន សុដាលីស បើកឱកាសឲ្យជួបនាងតូច Katherina នោះលោកនឹងហោះមកជួបភ្លាមមិនថាពេលណា ឬខ្លួននៅទីណានោះទេ។
បុរសពោះម៉ាយដដែលរ៉ាយរ៉ាប់ទៀតថា លោកមានអារម្មណ៍ក្ដុកក្ដួលខ្លាំងណាស់ ពេលឃើញមិត្តភក្តិបន្លែងជាមួយកូន ហើយបន្ថែមថា ជាសាច់ជាឈាមវាមិនអាចហាមលោកមិនឲ្យមិននឹកមិនបាននោះទេ តែលោកក៏អស់ចិត្តពេលឃើញកូនស្រីធំធាត់ដោយភាពស្រស់ស្អាតនិងគួរឲ្យស្រលាញ់។
ចំពោះរឿងស្នេហាថ្មីសម្រាប់ ប៉ែន ចំរុង ថាខ្លួនមិនទាន់គិតគូរទេ ត្បិតចង់ទុកពេលពង្រឹងការងារលោកសិន៕
ប៉ែន ចំរ៉ុង អះអាងថានៅតែចង់ជួប និងផ្គត់ផ្គង់កូន
ក្រោយពេល ភិន សុដាលីស ធ្វើសន្និសីទកាសែតបកស្រាយពីការបែកបាក់រឿងគ្រួសាររួចមក ថ្មីៗនេះ ប៉ែន ចំរ៉ុង ក៏បានផ្ដល់បទសម្ភាសន៍ជាមួយលោក សាន្ត ប៊ុនធឿន តែមិនបាននិយាយអ្វីច្រើននោះទេ។ តែតារាវ័យជាង ៣០ ឆ្នាំ បាន និយាយអះអាងថា លោកនៅតែស្រលាញ់ ចង់ជួប និងចង់ផ្គត់ផ្គង់ដល់កូនខ្លាំងណាស់ បើទោះជាក្រោយលែងលះដាច់ស្រេចជាមួយភរិយាហើយក៏ដោយ។
ចំរ៉ុង បន្តថា បើទោះជាភាគីខាងប្រពន្ធមិនទាមទាររថយន្តដែលទិញចូលគ្នា តែលោកចង់ឲ្យបែងចែកទៅដើម្បីឲ្យ ភិន សុដាលីស បានប្រាក់ទៅចិញ្ចឹមកូននៅថ្ងៃក្រោយ។ មិនត្រឹមតែប៉ុណ្ណោះ លោកបានបញ្ជាក់ថា លោកនៅតែជួយផ្គត់ផ្គង់ទៅកូនតាមលទ្ធភាពដែលអាចធ្វើទៅបាន។ ចំពោះបញ្ហានេះ កូនស្រីម្ចាស់ផលិតកម្មមហាហង្សធ្លាប់បាននិយាយថា នាងមិនចង់ឲ្យ ប៉ែន ចំរ៉ុង បានមកជួយទំនុបបម្រុង និងមិនឪ្យកូនទៅជួបឪពុកឡើយ ព្រោះលោកហ៊ានឆ្លើយនៅមុខតុលាការថា លោកមិនប្រាកដថាកូនក្នុងផ្ទៃជារបស់ខ្លួនឬយ៉ាងណានោះទេ ។
ពេលអ្នកកាសែតសួរថា "បើមានឱកាសមួយ តើអ្នកទាំងពីរនឹងអាចវិលមួយជួបជុំគ្នាវិញបានអត់?” តែ ប៉ែន ចំរ៉ុង បែរជាឆ្លើយថាពេលនេះមនោសញ្ចេតនារវាងលោក និង ភិន សុដាលីស បានមកដល់ទីបញ្ចប់ ហើយពេលក្រោយក៏មិនទាន់ហ៊ានគិតដែរ។ "ពេលនេះមនោសញ្ចេតនាបានដល់ទីបញ្ចប់ហើយ តែខ្ញុំនៅតែដាច់អហង្ការថាខ្ញុំពិតជាស្រលាញ់កូនខ្ញុំខ្លាំងណាស់ ស្រលាញ់ខ្លាំងបំផុត..។
ស្របពេលម្ចាស់ សំឡេងសារព័ត៌មានស្នេហាជាតិ សួរ និងនិយាយបែបលេងសើចដាក់ថាចង់ជួយចិញ្ចឹមកូនតួឯកប្រុសរឿង "អាព្រឿងងាប់ហើយ” តែតារារូបនេះឆ្លើយថាឲ្យតែកូនលោក កុំថាឡើយមួយ ប៉ុន្មានក៏លោកអាចចិញ្ចឹមរួចដែរ ឲ្យដូចឪពុកម្ដាយដទៃដែរ។
ជាមួយគ្នានោះដែរ ប៉ែន ចំរ៉ុង ក៏បានបញ្ជាក់ចំណុចមួយដែរថា មូលហេតុដែលធ្វើឲ្យអ្នកទាំងពីរបែកគ្នាមិនមែនមកពីលោកមានស្រី ឬអ្នកទីបីឡើយ ខណៈដែរលខាងស្រីពេលសន្និសិទ្ធសារព័ត៌មានក៏បាននិយាយបែបនេះដែរ។
Comments
Post a Comment